პრეზიდენტი საკონსტიტუციო ცვლილებების საერთო სახალხო განხილვაში მონაწილეობაზე პარლამენტის შეთავაზებას ელოდება

2017-05-03 13:41:09, 2275 ნახვა

პოლიტიკა კომენტარი

პრეზიდენტის მრჩევლის ფიქრია ჩიხრაძის განცხადებით, ადმინისტრაცია საკონსტიტუციო ცვლილებების საერთო სახალხო განხილვაში მონაწილეობაზე პარლამენტის შეთავაზებას ელოდება.

როგორც ჩიხრაძემ აღნიშნა, საკონსტიტუციო ცვლილებების მომზადების პროცესში პრეზიდენტის ადმინისტრაცია არ ჩაერთო, თუმცა მისივე თქმით, საერთო სახალხო განხილვაში აქტიურად აპირებს ჩართვას .

"ჩვენ ველოდებით პარლამენტისგან შემოთავაზებას, რა ტიპის იქნება ეს შემოთავაზება. საერთო სახალხო განხილვის პროცესი როგორ წარმოუდგენია პარლამენტს და რა შემადგენლობით წარმოუდგენია კომისიის მუშაობა. თუ როგორი იქნება სამუშაო წესი, ამას უკვე განსაზღვრას შემოთავაზებული ფორმატი. ამ შემთხვევაში პარლამენტის გადასაწყვეტია, როგორი იქნება საერთო სახალხო განხილვების კომისია, მუშაობის წესი და ამის შემდგომ იქნება ჩვენი პოზიცია ამ საკითხზე გაცხადებული“, - განაცხადა ჩიხრაძემ.

ჩიხრაძის განმარტებით, პრეზიდენტი აწარმოებდა კამპანიას „კონსტიტუცია ყველასია“, რომელიც საზოგადოების ინფორმირებულებას უწყობდა ხელს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან