კულტურისა და ძეგლთა დაცვის მინისტრის მიხეილ გიორგაძის განცხადებით, თეატრებთან მიმართებაში დაფინანსების სისტემა რეფორმირებას საჭიროებს.

გიორგაძის თქმით, თეატრებისთვის ახალი დაფინანსების სისტემის შეთავაზება იგეგმება. ამასთან, მინისტრი განმარტავს, რომ ამ თემაზე მუშაობა დიდი ხანია დაწყებულია და ის ყიფშიძეების განცხადებას არ უკავშირდება:

„დიახ, ნამდვილად ვფიქრობთ, რომ რეფორმირებას და განსხვავებულ მიდგომას  ზოგადად დაფინანსების სისტემა საჭიროებს, თუნდაც თეატრებთან მიმართებაში. მქონდა რამოდენიმე თეატრის ხელმძღვანელთან, როგორც თბილისის, ისე რეგიონული თეატრის  ხელმძღვანელთან ამ თემაზე საუბარი, ეს ხდებოდა არა  ამ ამბის გამო (ყიფშიძეების განცხადება), არამედ დიდი ხნით ადრე და ჩვენ ვაპირებთ, რომ ძალიან მაღალი ხარისხის ჩართულობით, საჯაროობით ამ თემაზე ვიმსჯელოთ და საერთო კონსესუსის შედეგად ახალი დაფინანსების სისტემა შევთავაზოთ თეატრებს. ჩემი გულწრფელი პატივისცემისდა მიუხედავად,  თეატრების ხელმძღვანელებმა, სამხატვრო ხელმძღვანელებმა, მმართველებმა, ბევრად მეტი პასუხისმგებლობა უნდა აიღონ“,-განუცხადა ჟურნალისტებს მიხეილ გიორგაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს