პრემიერი: თუ დანაგვიანების მიმართულებით რამდენიმე თვეში შედეგი არ იქნება, მწვავე რეაქცია მექნება

2017-04-06 10:21:51, 2285 ნახვა

კომენტარი

საქართველოს პრემიერ-მინისტრმა, გიორგი კვირიკაშვილმა მთავრობის სხდომის დაწყებამდე დანაგვიანების პრობლემაზე გაამახვილა ყურადღება. მან ადგილობრივი ხელისუფლების წარმომადგნელებს დაავალა, პრობლემას რაც შეიძლება მალე მიხედონ.

"ზაფხულის ტურისტული სეზონი კარს მოგვადგა. ბევრს ვმოგზაურობ საქართველოს ფარგლებში და მინდა, გავაფრთხილო ადგილობრივი ხელისუფლების წარმომადგენლები, რომ ძალიან მწვავე რეაქცია მექნება, თუ არ გვექნება შედეგი რამდენიმე თვეში. ეს არის ჩვენი ქვეყნის სახე და მაჩვენებელი საქართველოს მოსახლეობის კულტურისა. ვერ შევეგუებით იმას, რომ ასეთ მდგომარეობაში იყოს ჩვენი ქვეყნის ბუნება, რომელსაც ყველა უნდა გავუფრთხილდეთ. მაქსიმალურად ყურადღებით უნდა მოვეკიდოთ ამ საკითხს",- აღნიშნა პრემიერმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან