გიორგაძე - კონსულტაციების შემდეგ გადავწყვეტთ, რომელი მინისტრები დაესწრებიან პრეზიდენტის გამოსვლას

2017-04-05 11:41:40, 2175 ნახვა

პოლიტიკა კომენტარი

„შიდა კონსულტაციების შემდეგ, ჩვენ გადაწყვეტთ, ვინ იქნებიან ის მინისტრები, ვინც პარლამენტში პრემიერ-მინისტრთან ერთად პრეზიდენტის გამოსვლას დაესწრებიან“, - ამის შესახებ საქართველოს კულტურის და ძეგლთა დაცვის მინისტრმა მიხეილ გიორგაძემ განაცხადა.

მინისტრის ინფორმაციით, პრემიერი პარლამენტის სხდომას რამდენიმე მინისტრთან ერთად დაესწრება.

„დებატების გამართვის პრობლემას ვერ ვხედავთ. რა საკითხები იქნება წარმოდგენილი თავად პროცესი გვიჩვენებს. რაც შეეხება მინისტრების დასწრებას, რამდენიმე მინისტრთან ერთად მივა პრემიერი. შიდა კონსულტაციის შემდეგ გადავწყვეტთ, ვინ იქნებიან ეს მინისტრები“, - განაცხადა მიხეილ გიორგაძემ.

ცნობისთვის, პრეზიდენტი პარლამენტის წინაშე მოხსენებით 7 აპრილს წარსდგება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან