2016-10-25 11:13:29, 1030 ნახვა

---

სერგეენკო: მინისტრთა კაბინეტის ახალ შემადგენლობას პრემიერი არჩევნების მეორე ტურის შემდეგ წარადგენს

საქართველოს შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, მინისტრთა კაბინეტში ცვლილებები საპარლამენტო არჩევნების მეორე ტურის დასრულების შემდეგ განხორციელდება. თუმცა, სერგეენკოს არ აქვს ინფორმაცია, რა ტიპის ცვლილებები განხორციელდბა. ჯანდაცვის მინისტრი ამბობს, რომ ცვლილებები პრემიერის პრეროგატივაა.

„პრემიერს ეკუთვნის აქ პირველი სიტყვა და პირველი ნაბიჯი და არჩევნების მეორე ტურის შემდეგ ის საქართველოს მოსახლეობას წარუდგენს მინისტრთა კაბინეტის ახალ შემადგენლობას. კონკრეტულად რა პოზიციები შეიცვლება, ამის შესახებ ვერაფერს გეტყვით. მე ვრჩები იგივე აზრზე, რაზეც ვიყავი ოთხი წლის განმავლობაში. არ აქვს მნიშვნელობა რა გვარია მინისტრი, მნიშვნელობა აქვს როგორ ვითარდება დარგი“, - განაცხადა დავით სერგეენკომ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი