ფინანსთა მინისტრმა პორტფელურ ინვესტორებთან შეხვედრა გამართა

2015-02-25 17:45:26, 683 ნახვა

ეკონომიკა

ფინანსთა მინისტრმა ნოდარ ხადურმა პორტფელური ინვესტორების ჯგუფის წარმომადგენლებთან, ისეთი ცნობილი კომპანიებიდან როგორებიც არიან: Bank of America Merrill Lynch, Aberdeen, Lazard, Danske, PFA შეხვედრა გამართა.

სამინისტროს ცნობით, შეხვედრაზე ქვეყნის საინვესტიციო პოტენციალი განიხილეს. სტუმრებმა მოისმინეს ინფორმაცია იმ ღონისძიებების შესახებ, რომელსაც საქართველოს მთავრობა გეგმავს ინფრასტრუქტურული პროექტების დაფინანსების გააქტიურებისა და პრივატიზაციის მიმართულებით.
„საქართველოში ჩამოვედით ვითარების გასაცნობად. მსოფლიოსა და კონკრეტულად თქვენს რეგიონში არსებული ეკონომიკური მდგომარეობიდან გამომდინარე, მნიშვნელოვანია, საქართველომ გაზარდოს თავისი საინვესტიციო შესაძლებლობები, ცნობადობა, რათა მაქსიმალურად მოხდეს ახალი ინვესტიციების მოზიდვა, რაც ხელს შეუწყობს ეკონომიკური ზრდის ტენდენციის შენარჩუნებას,“ - განაცხადა Bank of America Merrill Lynch-ის წარმომადგენელმა ვლადიმერ ოსაკოვსკიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან