„მზია ამაღლობელმა დღეს სიჩუმით დაამხო ივანიშვილი — ერთი ქალის რევოლუცია ვიხილეთ დარბაზში. ის ამაყი, ძლიერი, პატრიოტი ქალია, და დგებუაძე რომ კაცი არ არის, ეს მთელმა ქვეყანამ დაინახა.” - განაცხადა “ნაციონალური მოძრაობის” თავმჯდომარემ, თინა ბოკუჩავამ

 “საკმაოდ ემოციური იყო იმ დარბაზში ყოფნა, ამას გეტყვით ყველა ადამიანი, ვინც იქ იყო. დღეს ჩვენ ამ დარბაზში ვიხილეთ ერთი ქალის რევოლუცია რეჟიმის წინააღმდეგ. დღეს მზია ამაღლობელმა თავის სიჩუმით უკვე დაამხო ივანიშვილი. ეს იყო ივანიშვილის დამხობა, რაც ჩვენ ვიხილეთ დარბაზში. მისი სიმტკიცით, უდრეკობით, შეუპოვრობით, ბრძოლით ამ ადამიანმა, ერთმა ქალმა ჩვენს თვალწინ ამხილა და დაამხო რეჟიმი. დიახ, ეს ნამდვილად იყო ერთი ქალის რევოლუცია ივანიშვილის რეჟიმის წინააღმდეგ.

გადაწყვეტილებაზე საუბარს მე საერთოდ არ ვაპირებ, რადგან არანაირი არსებითი მნიშვნელობა არ ჰქონდა მოსამართლედ წოდებული პოლიტიკური მონა ორ წელს გამოაცხადებდა, სამ წელს თუ შვიდ წელს. შეიძლება ტაქტიკურად მათ ასე განსაზღვრეს იმისთვის, რომ საზოგადოებრივი განცხრომები დაეცხროთ და ერთგვარად უკან დაეხიათ, მაგრამ მე ეს არ მიმაჩნია, რომ უკან დახევაა, ეს არის ხალხის მოტყუების მცდელობა იმისათვის, რომ ჩვენი სოლიდარობა გაქრეს და ის ერთი ქალის რევოლუცია, რომელიც ჩვენ ვიხილეთ მზია ამაღლობელის მხრიდან, ჩაცხრეს და აორთქლდეს და ეს არ უნდა მოხდეს, პირიქით, უნდა მოხდეს ამ ენერგიის კონსოლიდაცია და ამ რეჟიმის დამხობა, რომელიც ასეთ უსამართლობას სჩადის ამ ერთი ქალის წინააღმდეგ. და ერთი რამე არ შემიძლია არ ვთქვა, ეს რეჟიმი ვითომ მუდმივად გვახსენებს და გვიმტკიცებს ფარისევლურად, რომ ქალი ქალია და კაცი კაცია, დიახ, დღეს ნამდვილად ვიხილეთ, რომ ქალი ქალია, რომ მზია ამაღლობელი არის ამაყი, ძლიერი, პატრიოტი ქართველი ქალი, მაგრამ დგებუაძე რომ კაცი არ არის, ეს ნამდვილად დაინახა მთელმა ქვეყანამ.” - განაცხადა თინა ბოკუჩავამ

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება