ასეთი კანონმდებლობით საქართველო ევროკავშირის წევრი ვერ გახდება - ამის შესახებ საქართველოში გერმანიის ელჩმა, პეტერ ფიშერმა რადიო თავისუფლებასთან ინტერვიუში განაცხადა.

ევროკავშირში გასაწევრიანებლად, კანდიდატმა ქვეყანამ, ეს არჩევანი არ არის და არც განხილვის საკითხია, სრულიად უნდა მიიღოს ევროკავშირის კანონმდებლობა. ევროკავშირი კანონისმიერი ერთობაა რისი არსიც ის არის, რომ ჩვენ ყველას მსგავსი კანონმდებლობა გვაქვს. თუკი ევროკავშირის წევრი ხარ, ევროპული კანონმდებლობა შენი კანონმდებლობაა. როგორც კი ამას შეასრულებ, შეგიძლია გაწევრიანდე. თუკი ამას არ აკეთებ, ვერ გაწევრიანდები. საქართველო იღებს კანონებს, რომლებიც ევროპულს არ შეესაბამება.

[...] ქმედითი ლიბერალური დემოკრატიის არსებობა, რაც ევროკავშირს ნიშნავს და კანონის უზენაესობაზე დაფუძნებული ინსტიტუტები [ევროკავშირის კანონმდებლობის] უმნიშვნელოვანესი სფეროებია. საქართველო კი იღებს კანონებს, რომელიც ფუნდამენტურად ეწინააღმდეგება ამ საბაზისო ელემენტებს. ასეთ კანონმდებლობით თქვენ უბრალოდ ვერ გაწევრიანდებით. არავინ არის ვალდებული გაწევრიანდეს ევროკავშირში, ეს სრულად ნების საკითხია, მაგრამ ასეთი კანონმდებლობით საქართველო წევრი ვერ გახდება. - განაცხადა ფიშერმა.

ავტორი: ექსპრესნიუსი,

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს