„ოპოზიციის წარმომადგენლების საპარლამენტო კომისიაში დაბარება და მათი დაპატიმრება პარლამენტის ლეგიტიმურობის აღიარებაზე უარის თქმის გამო სერიოზულ შეშფოთებას იწვევს“, - აცხადებს საერთაშორისო უფლებადაცვითი ორგანიზაცია Amnesty International-ი.

ორგანიზაციის შეფასებით, სერიოზული შეშფოთება უკავშირდება საქართველოში „მთავრობის კრიტიკოსების გასაჩუმებლად საკანონმდებლო, საპოლიციო და სხვა უფლებამოსილებების ბოროტად გამოყენებას“.

უფლებადამცველი ორგანიზაცია გამოყოფს ბოლოს დაკავებული პოლიტიკოსის, გივი თარგამაძის საქმეს და წერს:

„საქართველოს ხელისუფლებამ უნდა შეწყვიტოს სასტიკი თავდასხმა განსხვავებული აზრის მქონე ადამიანებზე, უნდა შეწყვიტოს მომიტინგეებისა და პოლიტიკური აქტივისტების მიზანში ამოღება... და გაათავისუფლოს გივი თარგამაძე და ოპოზიციის კიდევ ექვსი წევრი, რომლებიც ბოლო კვირების განმავლობაში ციხეში ჩასვეს“, - წერია განცხადებაში.

„ხელისუფლებამ უნდა შეწყვიტოს ისეთი პრაქტიკა, რომელიც არღვევს საქართველოს საერთაშორისო ადამიანის უფლებების ვალდებულებებს. ხელისუფლებამ უნდა დაიცვას და უზრუნველყოს ქვეყანაში ყველას ადამიანის უფლებები“, - აცხადებს Amnesty International-ი.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო