„სიტყვისა და გამოხატვის შესახებ“ კანონიდან იმ მუხლის ამოღებაც იგეგმება, რომელიც აზრისა და მოწოდების თავისუფლებას ეხება.

საუბარია კანონის მეოთხე მუხლზე, რომლის თანახმად, აზრი დაცულია აბსოლუტური პრივილეგიით. ამავე მუხლის მიხედვით, მოწოდება დაცულია კვალიფიციური პრივილეგიით, ხოლო მოწოდება პასუხისმგებლობას მხოლოდ მაშინ იწვევს, როცა პირი ჩაიდენს განზრახ ქმედებას, რომელიც ქმნის კანონსაწინააღმდეგო შედეგის დადგომის აშკარა, პირდაპირ და არსებით საფრთხეს.

აღნიშნულ მუხლზე ყურადღება პარლამენტის პლენარულ სხდომაზე დეპუტატმა ვიქტორ ჯაფარიძემ გაამახვილა. როგორც ჯაფარიძემ განაცხადა, „ამ მუხლს აუცილებლად გამოიყენებენ“.

„ეს რანაირად გამოვა?“ - იკითხა ვიქტორ ჯაფარიძემ.

მომხსენებელმა დავით მათიკაშვილმა ჯაფარიძეს უპასუხა, რომ აღნიშნული მუხლი კანონპროექტიდან ამოღებულია.

„ინიციატორმა აღნიშნული მუხლის ამოღება გაითვალისწინა. ახლა გავითვალისწინებთ, რომ ასეთი დათქმა აღარ არსებობდეს“, - განაცხადა მათიკაშვილმა ვიქტორ ჯაფარიძის პასუხად.

„სიტყვისა და გამოხატვის შესახებ“ კანონში ცვლილებები პარლამენტმა მეორე მოსმენით, მუხლობრივად განიხილა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო