„ხალხის ძალის“ განცხადება არის პირდაპირ ბიძინა ივანიშვილის რეჟიმის განცხადება, - ასე გამოეხმაურა „ერთიანი ნაციონალური მოძრაობის“ რეგიონული მდივანი, გიორგი ბოტკოველი პარტია „ხალხის ძალის“ დღევანდელ განცხადებას საქართველოში ევროკავშირის ელჩთან დაკავშირებით.

გიორგი ბოტკოველის შეფასებით, „ეს არის მათი გაწერილი გეგმა, რომლითაც ფაქტობრივად, ყოველდღიურად ცდილობენ, ქვეყნის სუვერენიტეტი დაანგრიონ“.

„ეს არ არის „ხალხის ძალის“ განცხადება, ან რომელ „ხალხის ძალაზეა“ საუბარი? „ხალხის ძალა“ არის ის, რომელსაც ჩვენ ვხედავთ ყოველდღიურ პროტესტში. „ხალხის ძალის“ განცხადება არის პირდაპირ ბიძინა ივანიშვილის რეჟიმის განცხადება. ისინი გარკვეული პერიოდის წინ თითქოს ოპოზიციონერებად მოევლინნენ ქვეყანას და ძალიან მალე თვითონვე დაამსხვრიეს ის მითი, რაც შექმნეს, რომ ოპოზიციონერები არიან. მათი განცხადებები, დაწყებული აშშ-ს კრიტიკიდან, ახლა ევროკავშირის ელჩის კრიტიკით დამთავრებული, თავიდან ბოლომდე არის ის განაცხადი, რომელიც გაკეთებულია ბიძინა ივანიშვილის რეჟიმის მხრიდან. კობახიძე ილაპარაკებს თუ „ხალხის ძალის“ რომელიმე წარმომადგენელი, ამას არსებითი მნიშვნელობა არ აქვს. ეს არის მათი გაწერილი გეგმა, რომლითაც ფაქტობრივად, ყოველდღიურად ცდილობენ, დაანგრიონ ჩვენი ქვეყნის სუვერენიტეტი“, - განაცხადა ბოტკოველმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი