„მაესტროს 24“-ის ნაცვლად „მ 24“ - ბაჩო კიკაბიძე კომუნიკაციების კომისიას ახალი ტელევიზიის სამაუწყებლო ბადეს წარუდგენს

2016-03-16 13:34:08, 754 ნახვა

სამართალი

ბაჩო კიკაბიძის შპს ტელეკომპანია "მაესტრო" მაუწყებლობის დაწყებას ისევ გეგმავს. არხის ერთ-ერთი დამფუძნებელი კომუნიკაციების ეროვნული კომისიისთვის უკვე სამაუწყებლო ბადის წარდგენას გეგმავს, რის შემდეგაც ახალი ტელევიზია ეთერში გავა არა "მაესტრო 24"-ის, არამედ "მ 24"-ის სახელწოდებით.

კიკაბიძის გეგმის მიხედვით, ახალი ტელევიზია ეთერში ძველი შენობიდან გავა და მასში "მაესტროს" ის თანამშრომლები გააგრძელებენ მუშაობას, რომლებსაც განცხადებები უკვე დაწერილი აქვთ.

„დავემორჩილე კანონს, შევცვალე ლოგო და "მაესტროს" სავაჭრო ნიშნის შემცველი ნიშანი ამოვიღე "მაესტრო 24"-დან და "მ 24" დავტოვე"- აცხადებს ბაჩო კიკაბიძე.

როგორც ბაჩო კიკაბიძემ აღნიშნა მისი პრეროგატივა არ არის თუ საიდან იმაუწყებლებს ტელეკომპანია "მაესტრო" და მითუმეტეს რა გავა ამ ტელევიზიის ეთერში.

აღსანიშნავია, რომ ლევან გაჩეჩილაძე "მაესტროს" თანამშრომლებს მოსალაპარაკებლად ისევ საკუთარ სახლში შეხვდება. გაჩეჩილიძისა და ჟურნალისტების შეხვედრა 17 საათზეა დაგეგმილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან