უკრაინა დემილიტარიზებული ზონის შესაქმნელად მზად არის, - ამის შესახებ აშშ-ის პრეზიდენტის, დონალდ ტრამპის სპეციალურმა წარმომადგენელმა უკრაინის საკითხებში, კიტ კელოგმა განაცხადა.

„ისინი მზად არიან, გარკვეული პერიოდის განმავლობაში, დემილიტარიზებული ზონა შექმნან. მათ თქვეს: ჩვენ 15 კმ-ით უკან დავიხევთ და თქვენ, რუსებიც, ასევე 15 კმ-ით უკან დაიხევთ. ასე რომ, შეიქმნება 30 კილომეტრიანი ზონა, რომელიც მკაცრად გაკონტროლდება“, - განაცხადა კელოგმა.

მისი თქმით, გადამწყვეტი მნიშვნელობა 30-დღიანი ცეცხლის შეწყვეტის მიღწევას ექნება და მხარეები მსგავს შემთხვევაში ამჟამად დაკავებულ ტერიტორიებს შეინარჩუნებენ.

„ამიტომ, უკრაინელებს უნდა ვუთხრათ: „ეს ერთ-ერთი გამოსავალია იმ სიტუაციიდან, რომელიც დროთა განმავლობაში შეიძლება შეიცვალოს“. თუ თქვენ ამჟამინდელ პოზიციებზე ცეცხლის შეწყვეტას დათანხმდებით, მაშინ ტერიტორია, რომელსაც თქვენ აკონტროლებთ, რომლისთვისაც იბრძვით, ამ მომენტში თქვენია. თუ ჩვენ ცეცხლის შეწყვეტის შეთანხმების 30 დღის განმავლობაში უზრუნველყოფას შევძლებთ, მაშინ მისი გახანგრძლივებაც შესაძლებელი იქნება“, - აღნიშნა დონალდ ტრამპის სპეციალურმა წარმომადგენელმა.

ავტორი: ექსპრესნიუსი,

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს