24-25 აგვისტოს თბილისში დაგეგმილი აზიის ინფრასტრუქტურის საინვესტიციო ბანკის (AIIB) დამფუძნებელი ქვეყნების წარმომადგენელთა ფორუმის ფარგლებში საქართველოში იმყოფება ბანკის გენერალური მდივანი ჯინ ლიქუნი, რომელმაც პირველი ორმხრივი შეხვედრა საქართველოს ვიცე-პრემიერთან, ეკონომიკისა და მდგრადი განვითარების მინისტრთან გიორგი კვირიკაშვილთან გამართა. შეხვედრას აზიის ინფრასტრუქტურის საინვესტიციო ბანკის სათაო ოფისის წარმომადგენლები, ასევე ეკონომიკისა და მდგრადი განვითარების მინისტრის მოადგილეები - მიხეილ ჯანელიძე და ირმა ქავთარაძე ესწრებოდნენ.

„აზიის ინფრასტრუქტურის საინვესტიციო ბანკის  წარმომადგენლებს გავაცანით ის ინფრასტრუქტურული პროექტები, რომლებიც შეიძლება დააფინანსოს ბანკმა. მათი მხრიდან  გამოითქვა მზადყოფნა, რომ ასევე მხარს დაუჭერენ საქართველოს ეკონომიკისთვის მნიშვნელოვან სხვადასხვა მიმართულებებს. აღსანიშნავია, რომ საქართველო იქნება ერთ-ერთი პირველი ქვეყანა, რომელიც დაფინანსდება აზიის ინფრასტრუქტურის საინვესტიციო ბანკის მიერ“ - განაცხადა გიორგი კვირიკაშვილმა.

საქართველო  აზიის  ინფრასტრუქტურის  საინვესტიციო  ბანკის  (AIIB) ერთ-ერთი დამფუძნებელი ქვეყანაა. ბანკის საქმიანობის   ძირითადი   მიმართულებებია ეკონომიკური განვითარების სტიმულირება, ასევე ინვესტირება ინფრასტრუქტურასა და წარმოებაში. ბანკი 57 ქვეყნის მიერ არის დაფუძნებული და მისი საწესდებო კაპიტალი 100 მილიარდ აშშ დოლარს შეადგენს. ბანკის 30%  წილის მფლობელი ჩინეთია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ