შსს-ს საპატრულო პოლიციის დეპარტამენტი შს მინისტრის ალექსანდრე ჭიკაიძის ინიციატივით დაწყებულ საქველმოქმედო აქციას აგრძელებს.

საპატრულო პოლიციის თანამშრომლები სიღარიბის ზღვარს მიღმა მყოფ ოჯახებს ქვეყნის ყველა რეგიონში ეხმარებიან.

შსს-ს ინფორმაციით, საპატრულო პოლიციის დეპარტამენტის კახეთის მთავარი სამმართველოს უფროსი დიმიტრი მაისურაძე და მისი თანამშრომლები ქალაქ თელავში მცხოვრებ მალხაზ მაისურაძის რვაშვილიან ოჯახს საახალწლოდ ესტუმრნენ. მათ მაისურაძეების ოჯახს საოჯახო ტექნიკა: სარეცხი მანქანა, პრესონალური კომპიუტერი, მტვერსასრუტი, სხვადასხვა საყოფაცხოვრებო ნივთები, ტკბილეული და საკვები პროდუქტები გადასცეს.

საპატრულო პოლიციის თანამშრომლები ასევე ეწვივნენ ქალაქ თელავში შალვა აფციაურის ხუთშვილიან ოჯახს. სამართალდამცველებმა აფციაურების მრავალშვილიან ოჯახს საოჯახო ტექნიკა: სარეცხი მანქანა, უთო, ტკბილეული და სხვა საკვები პროდუქტები მიუტანეს. საპატრულო პოლიციის დეპარტამენტი, ქვეყნის მასშატბით, სამომავლოდაც გააგრძელებს საქველმოქმედო აქციაში მონაწილეობას და სიღარიბის ზღვარს მიღმა მყოფი, ასევე მრავალშვილიანი ოჯახების დახმარებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა