აჭარის მთავრობის თავმჯდომარემ ზურაბ პატარაძემ  საავტომობილო გზების დეპარტამენტის უფროსთან, არჩილ ჩიქოვანთან ერთად, ქედაში, ცხმორისის ტერიტორიაზე მიმდინარე გაზიფიცირების სამუშაოები დაათვალიერა.

"ბათუმი-ხიჭაურის მონაკვეთზე გაზიფიკაციის სამუშაოები ზაფხულისთვის დასრულდება. მთის გაზიფიცირება ისტორიული პროექტია. მილსადენი შუახევამდე უკვე ფაქტობრივად მოსულია. უახლოეს პერიოდში ამოვა გაზი "გოდერძამდე" და ამავდროულად მოხდება სოფლების დაქსელვა", - აღნიშნა ზურაბ პატარაძემ.

აჭარის მთავრობის პრესსამსახურის ინფორმაციით, სამუშაოებს კომპანია „ენერჯი ინვესტი 2009" ასრულებს. ამ ეტაპზე სამუშაო პროცესი ცხმორისის პარალელურად ახალშენის ტერიტორიაზე მიმდინარეობს. გაზის მილები დაახლოებით 22 კილომეტრზე უკვე ჩადებულია. სამუშაოებში, ჯამში, 80 ადგილობრივია დასაქმებული. პროექტი პირველ ეტაპზე 11 000 აბონენტის გაზიფიცირებას უზრუნველყოფს. 65 კმ. სიგრძის მაგისტრალის სამშენებლო სამუშაოები 2019 წლის გაზაფხულზე დასრულდება.

(NS)

ავტორი: ,

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება