2015-04-29 15:09:23, 354 ნახვა

---

პრემიერ-მინისტრმა თანამდებობიდან გადადგომის შესახებ ლევან ყიფიანის მიმართვა დააკმაყოფილა

საქართველოს პრემიერ-მინისტრმა ირაკლი ღარიბაშვილმა ლევან ყიფიანის მიმართვა, სპორტისა და ახალგაზრდობის საქმეთა მინისტრის თანამდებობიდან გადადგომის შესახებ, დააკმაყოფილა.

შესაბამის ბრძანებას მთავრობის მეთაურმა ხელი ცოტა ხნის წინ მოაწერა.

ირაკლი ღარიბაშვილი ლევან ყიფიანს გაწეული სამუშაოსთვის მადლობას უხდის და მომავალ საქმიანობაში წარმატებებს უსურვებს. 

შეგახსენებთ, სპორტისა და ახალგაზრდობის უკვე ყოფილმა მინისტრმა ლევან ყიფიანმა პრემიერს გადადგომის თხოვნით დღეს მიმართა. 

ვინაიდან ყიფიანი მე-7 მინისტრია, რომელმაც მინისტრთა კაბინეტი დატოვა, კანონმდებობის თანახმად,  მთავრობას პარლამენტმა ნდობა ხელახლა უნდა გამოუცხადოს. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი