"ვარწმუნებ საზოგადოებას, ყველა დამნაშავეს შესატყვისი პასუხი გაეცემა, ყველა  პასუხს აგებს სამართლის წინაშე",-ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა ბიზნესმენ ბესიკ ხარძიანის მკვლელობასთან დაკავშირებით ჟურნალისტებს განუცხადა.
ბიძინა ივანიშვილი საბურთალოს პანთეონში იმყოფებოდა, სადაც ბესიკ ხარძიანის ცხედარია დასვენებული. მას დღეს საბურთალოს სასაფლაოზე დაკრძალავენ.
"მინდა სამძიმარი და თანადგომა  გამოვუცხადო გარდაცვლილის ოჯახს. აქვე მინდა აღვნიშნო, რომ ეს არ გახლავთ მხოლოდ ერთი ოჯახის ტრაგედია. ის, რომ მოკლე დროში უკვე მე-2 შემთხვევაა, როდესაც პრინციპულ ადამიანებს,  ვინც სამართლიანობისთვის ბრძოლას თავს არ ანებებს, სწორედ რომ ტერორით უსწორდებიან ჩვენს ქვეყანაში და ცდილობენ ამით შეგვახსენონ წარსული დრო და საზოგადოებაში შიში და შფოთვა გამოიწვიონ, რასაც ვარწმუნებ მათაც- არაადამინებს, ვისაც ეს თავში მოუვიდათ და ჩვენს საზოგადოებას, რომ მსგავსი ჩვენს საზოგადოებაში ფეხსს ვერ მოიკიდებს და ყველას შესატყვისი პასუხი გაეცემა და ყველა პასუხს აგებს სამართლის წინაშე",-განაცხადა ბიძინა ივანიშვილმა.
შეგახსენებთ, ბიზნესმენ ბესო ხარძიანს საკუთარ სახლთან ცეცხლსასროლი იარაღიდან ესროლეს.  ხარძიანი კუს ტბის აქციებს ფლობდა.  ოჯახის წევრები მკვლელობას გიორგი უდესიანს უკავშირებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა