პრემიერ–მინისტრი ირაკლი ღარიბაშვილი გუბერნატორებს, ქალაქების მერებსა და მუნიციპალიტეტების გამგებლებს დღეს შეხვდება.

მთავრობის ადმინისტრაციის ინფორმაციით, შეხვედრა სასტუმრო „ქორთიარდ მერიოტში“ 15:00 საათზე გაიმართება.

როგორც გუშინ, დედაქალაქის მერმა დავით ნარმანიამ ჟურნალისტებს განუცხადა, შეხვედრაზე  სხვადასხვა მუნიციპალიტეტებში პროექტებისა და პროგრამების მიმდინარეობასთან დაკავშრებულ საკითხებზე იქნება საუბარი.

ცნობისთვის, 5 მარტს გამართულ მთავრობის სხდომაზე, ფინანსთა მინისტრმა ნოდარ ხადურმა პრემიერს მიაწოდა ინფორმაცია იმასთან დაკავშირებით, რომ რეგიონებში განსახორციელებელი პროექტების ფონდიდან  რეალურად თანხის ათვისება არ ხდება.

„მიუხედავად იმისა, რომ  რეგიონებში განსახორციელებელი პროექტების ფონდიდან ჩვენ თანხები გამოყოფილი გვაქვს,  რეალურად ხარჯვა დაწყებული არ არის. უკვე 82 მილიონზე მეტია გამოყოფილი, მაგრამ ათვისება ჯერ-ჯერობით არ ხდება. როგრც ჩანს იქ ცოტა ბიუროკრატიული მექანიზმია“, – განაცხადა ხადურმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა

ოცნების განათლების სამინისტრო: გივი მიქანაძე სამუშაო ვიზიტით აშშ-ში გაემგზავრა

უკრაინამ რუსეთის ტყვეობიდან 182 ადამიანი დაიბრუნა