„საქართველოს მთავრობა Microsoft-ის ლიცენზირებული პროგრამებით ისარგებლებს“,-ამის შესახებ საქართველოს პრემიერ-მინისტრმა ირაკლი ღარიბაშვილმა საქართველოს მთავრობასა და Microsoft-ს შორის სალიცენზიო შეთანხმების გაფორმებამდე განაცხადა.

ღარიბაშვილის თქმით,  საქართველო იქნება პოსტსაბჭოთა სივრცეში პირველი, რომელსაც microsoft-ის ლეგალური, ლიცენზირებული პროგრამები ექნება.

„ჩვენ ვიქნებით პირველები  პოსტსაბჭოთა სივრცეში ვისაც,  ექნება   misrosoft -ის სრულყოფილი  ლეგალურ ლიცენზირებული პროგრამები.  ამ ლიცენზირებული პროგრამებით ისარგებლებენ სახელმწიფო  დაწესებეულებები, რაც იმის  გარანტიას მოგვცემს, რომ  უზრუნველყოფილი იქნება სახელმწიფო დაწესებულებების საინფორმაციო დაწესებულებების  სისტემების უსაფრთხოება, მათი დაცულობა,  მათი გაფართოება და  ეფექტიანობა. ამასთან ერთად ყველა საჯარო მოხელეს ექნება  Microsoft-ის  უახლესი პროგრამული  უზრუნველყოფა“,-განაცხადა ღარიბაშვილმა.

ამასთან, პრემიერმა ღარიბაშვილმა აღნიშნა, რომ  Microsoft-თან მეორანდუმის გაფორმებით საქართველო  თანამედროვე სამყაროში დამკვიდრების კიდევ ერთ ნაბიჯს დგას.

„ჩვენ  ძალიან მნიშვნელოვან მემორანდუმს ვაფორმებთ, ლიდერ კომპანია Microsoft-თან   და ამით კიდევ ერთ ნაბიჯს ვდგამთ ჩვენს ქვეყანაში  თანამედროვე და ცივილიზებული  ცხოვრების წესის დამკვიდრებისკენ.  დასამალი არ არის, რომ  საქართველო წლების განმავლობაში ავტორიზაციის გარეშე  მოიხმარდა პროგრაპულ უზრუნველყოფას.  შეიძლება ითქვას, რომ  სამწუხაროდ  პროგრამული უზრუნველყოფის  კოპირების კუთხით ჩვენ  ყველაზე მაღალი  მაჩვენებელი გვაქვს.  2010 წელს ეს მაჩვენებელი  აჩვენებდა 15 %-ს, ამიტომ ჩვენ გადავწყვიტეთ, რომ მართლაც საგანგაშო  სიტუაციის გამოსწორებისთვის  გაგვეფორმებინა ეს მემორანდუმი. დღიდან ჩვენ ვაფორმებთ მემორანდუმს Microsoft- თან უახლესი  სათანადო ლიცენზირების შესახებ“,-დასძინა  ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ