რესტორანში "ყაზბეგის რესტორანი ველიამინოვზე" სურსათის ეროვნული სააგენტომ ცხენის ხორცი აღმოაჩინა.

სააგენტოს ინფორმაციით, ცხენის ხორცი რესტორანში აღებული ხინკლისა და აფხაზურას ორ ნიმუშშია იდენტიფიცირებული.

„სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის (65-ე მუხლის პირველი ნაწილის) თანახმად შპს „ყაზბეგის რესტორანი ველიამინოვზე" 1000 ლარით დაჯარიმდა. აღნიშნულ ფაქტთან დაკავშირებით, საქმე სამართალდამცავ ორგანოებს  გადაეგზავნა. აგრეთვე, საქართველოს კანონმდებლობის შესაბამისად, აღნიშნული ბიზნესოპერატორების არაგეგმური ინსპექტირება განხორციელდება“, - ნათქვამია სურსათის ეროვნული სააგენტოს განცხადებაში.

სააგენტომ ბიზნესოპერატორების მონიტორინგი 25 მარტს  განახორციელა.  ბიზნესოპერატორებიდან აღებული მზა კულინარიული ნაწარმის ნიმუშები, ხორცის სახეობრივი კვლევისთვის, აკრედიტირებულ ლაბორატორიაში გადაიგზავნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა