მთავრობა გარდაცვლილი პოლიციელის ოჯახს ბინას უყიდის. ამის შესახებ მთავრობის დღევანდელ სხდომაზე გახდა ცნობილი. პრემიერმა შინაგან საქმეთა მინისტრ ვახტანგ გომელაურს  ჰკითხა, თუ როდის უნდა მოხდეს გარდაცვლილი პოლიციელის ოჯახისთვის  ბინის შეძენა. 

"მინდა პირველ რიგში ყველას მოგილოცოთ გუშინდელი დღე, ხარების დღე.მინდა, ბატონ ვახტანგს ვკითხო,  როდის უნდა შევუძინოთ ბინა გარდაცვლილი პოლიციელის შვილს",-მიმართა ღარიბაშვილმა ვახტანგ გომელაურს.

გომელაურის განცხადებით,  ბინის საკითხი ბექა მარგიშვილის დაკრძალვის შემდეგ მოგვარდება.

"ამ საკითხზე  ვმუშაობთ.ხვალ დაკრძალვაა, დაკრძალვის შემდეგ ყველაფერი მოგვარდება",-განაცხადა ვახტანგ გომელაურმა.

შეგახსენებთ, შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს. აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა