2024-10-13 16:36:00, 460 ნახვა
ომი უკრაინაში
რუსეთის თავდაცვა - ჯარებმა სოფელ მიხაილოვკაზე კონტროლი აიღეს
რუსულმა ჯარებმა უკრაინაში, დონეცკის ოლქში მდებარე სოფელ მიხაილოვკაზე კონტროლი აიღეს.
ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" რუსეთის თავდაცვის სამინისტროზე დაყრდნობით ავრცელებს.
"გადამწყვეტი მოქმედებების შედეგად დონეცკის სახალხო რესპუბლიკის სოფელი მიხაილოვკა გათავისუფლდა",- ნათქვამია თავდაცვის უწყების განცხადებაში, რომელსაც "რია ნოვოსტი" ციტირებს.
პარალელურად, Reuters-ი სამინისტროზე დაყრდნობით ავრცელებს ინფორმაციას, რომლის მიხედვითაც, რუსული ჯარები პოკროვსკის მნიშვნელოვანი ლოჯისტიკური ცენტრისკენ მიიწევენ.
უკრაინას აღნიშნულთან დაკავშირებით ინფორმაცია არ გაუვრცელებია.
ავტორი: ექსპრესნიუსი,
epn.ge (@expressnews.ge)
