2023-08-16 13:27:55, 1009 ნახვა

---

ქედაში ხანდაზმულთათვის განკუთვნილი დასასვენებელი სივრცის სამშენებლო სამუშაოები მიმდინარეობს

ფრიდონ ხალვაშის სახელობის ცენტრალურ პარკში ხანდაზმულთათვის განკუთვნილი დასასვენებელი სივრცის ერთსართულიანი კაპიტალური შენობის მშენებლობა მიმდინარეობს, რომელიც მოპირკეთებული იქნება ბუნებრივი გრანიტის ფილებით, ნაწილი წარმოდგენილი იქნება ვიტრაჟით, მოეწყობა გათბობა-გაგრილების სისტემა და აღიჭურვება შესაბამისი ინვენტარით. აღნიშნულ ინფორმაციას ქედის მუნიციპალიტეტის მერია ავრცელებს.

მერიის ცნობით, პროექტის ღირებულება 188 881 ლარს შეადგენს.

"ქედის მუნიციპალიტეტში არსებული ხანდაზმული კლუბის წევრები აქტიურად არიან ჩართული სხვადასხვა ღონისძიებებში, გამომდინარე აქედან შეიქმნება კიდევ ერთი თავშეყრის ადგილი სადაც, როგორც კლუბის წევრები ასევე ახალგაზრდები შეძლებენ სხვადასხვა აქტივობების განხორციელებას.

სამშენებლო სამუშაოები ქედის მუნიციპალიტეტის მერმა როლანდ ბერიძემ, პირველ მოადგილესთან იმედა ვასაძესთან ერთად ადგილზე მოინახულა,- ნათქვამია მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი