შუახევში ინფრასტრუქტურული ღონისძიებების ფარგლებში, სოფლების ცენტრების კეთილმოწყობითი სამუშაოები მიმდინარეობს.

შუახევის მუნიციპალიტეტის მერიის ცნობით, სამუშაო პროცესს, შუახევის მერი ომარ ტაკიძე, მოადგილესთან გურამ ზოიძესთან, საკრებულოს თავმჯდომარე როსტომ ლორთქიფანიძესთან, საკრებულოს წევრთან ფატი ჭაღალიძესთან და აჭარის უმაღლესი საბჭოს მაჟორიტარ დეპუტატთან ფრიდონ ფუტკარაძესთან ერთად სოფელ ინწკირვეთში გაეცნო.

"პროექტის ფარგლებში კეთილმოეწყობა სოფლის ცენტრის მიმდებარე ტერიტორია. რეაბილიტაცია ჩაუტარდება ფანჩატურს, წისქვილს, მემორიალს. დამონტაჟდება გარე განათება, მოეწყობა ბეტონის საფარი, სველი წერტილები, წყლის კუთხე და მემორიალი.

სამუშაოებს შპს „გიკუ 2010“ ახორციელებს, რომლის ბიუჯეტი 43 333  ლარს შეადგენს. დასაქმებულია ადგილობრივი მოსახლეობა.

მიმდინარე წელს, სოფლის ცენტრების კეთილმოწყობაზე 130 000 ლარამდე დაიხარჯება.

განახლებული  ინფრასტრუქტურით ასევე ისარგებლებენ  წაბლანის, ჯაბნიძეების,  დარჩიძეების, ახალდაბის, ნიგაზეულის, წელათისა და უჩამბის მოსახლეობა",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება