ალექსანდრ ზახარჩენკო: მეამბოხეთა არმიას 100 ათასამდე გავზრდით

2015-02-02 17:55:56, 1008 ნახვა

მსოფლიო

დონეცკის თვითგამოცხადებული რესპუბლიკის ლიდერის ალექსანდრ ზახარჩენკოს განცხადებით, მეამბოხეთა არმიის გაზრდა 100 ათასამდე იგეგმება.
ამის შესახებ ზახარჩენკომ ჟურნალისტებთან საუბრისას განაცხადა.
„ჩვენი მიზანია არმია 100 ათას კაცამდე გავზარდოთ, ეს რაოდენობა უკვე არსებობს. მათი მოძებნა საჭირო აღარ არის. უბრალოდ, უნდა შეიქმნას საერთო არმია და ეს არმია იქნება დონეცკისა და ლუგანსკის ერთობლივი შეიარაღებული ფორმირება. სამი მოტომსროლელთა, ორი საარტილერიო და ერთი ტანკისტთა ბრიგადა იქნება. ეს არის ის რეზერვი, რომელიც ნებისმიერი შეტევის მოგერიებას შეძლებს და წარმატების შემთხვევაში კონტრშეტევაზე გადავა და კოპერატიულ დავალებებსაც შეასრულებს“,-განაცხადა თვითგამოცხადებულმა ლიდერმა.
ამასთან, აღმოსავლეთ უკრაინაში ლუგანსკის ოლქის ქალაქ ბახმუტოვკაში შეიარაღებული დაპირისპირება გრძელდება, უკრაინელი სამხედროები პრორუს სეპარატისტებს მძიმე შეიარაღებით უტევენ.
ცნობისთვის, აღმოსავლეთ უკრაინაში ინტენსიური დაპირისპირების ფონზე საყოველთაო მობილიზაცია გამოცხადდა.