კორტების სპეცოპერაციასთან დაკავშირებით, კიდევ ერთი ყოფილი მაღალჩინოსანი გიორგი ცააძე იკითხება

2015-02-02 13:54:00, 633 ნახვა

სამართალი

მთავარ პროკურატურაში კრიმინალური პოლიციის კიდევ ერთი ყოფილი მაღალჩინოსანი გიორგი ცააძე მივიდა.

ის ამწუთებში კორტების სპეცოპერაციის დროს, ზურა ვაზაგაშვილის მკვლელობის საქმესთან დაკავშირებით იკითხება.

როგორც დაკითხვაზე შესვლამდე ცააძემ ჟურნალისტებს განუცხადა. გამომძიებელი დაუკავშირდა და სახლთან მისვლა სთხოვა, სადაც სპეცრაზმი დახვდა და გადაწყვიტა, პროკურატურაში წასულიყო.

რაც შეეხება ოქმში მის მიმართ ჩაწერილ ბრალდებას, ცააძე კორტების სპეცოპერაციისას განზრახ მკვლელობის ფაქტს კატეგორიულად გამორიცხავს.

"გამომძიებელი დამიკავშირდა და მთხოვა, მივსულიყავი სახლთან. იქ რომ მივედი, სპეცრაზმი დამხვდა და გადავწყვიტე, პროკურატურაში მოვსულიყავი.რა განზრახ მკვლელობაზეა საუბარი? ჩვეულებრივი ღონისძიება იყო. კრიმინალებმა გვესროლეს და ჩვენც ვესროლეთ",-განაცხადა გიორგი ცააძემ.

ცნობისთვის, კორტების სპეცოპერაციასთან დაკავშირებით, ჯამში 11 პირია დაკავებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან