რუსეთში ცნობილმა სპორტულმა ჟურნალისტმა სერგეი ეგოროვმა ხვიჩა კვარაცხელიაზე  ისაუბრა და ის რუსეთის ნაკრებისა და ლონდონის „არსენალის“ ყოფილ შემტევს ანდრეი არშავინსაც შეადარა.

„სიმართლე გითხრათ, აღფრთოვანებული ვარ ხვიჩა კვარაცხელიას თამაშით. თუკი რუბინის ამ ფეხბურთელის შენარჩუნება მოხერხდება, შესაძლოა, არშავინის დონის მოთამაშე მივიღოთ. ანუ, ისეთი ფეხბურთელის, რომელიც რუსეთში საუკეთესო მომავალი რამდენიმე წლის განმავლობაში იქნება. და ეს, რა თქმა უნდა, თუკი შემდგომში მას სადმე არ გაყიდიან. ჯერჯერობით კი ეს ფეხბურთელი ისეთ მოთამაშედ მოჩანს, რომელსაც ზედა ზღვარი არ გააჩნია“ , - განაცხადა ანდრეი არშავინსამ.

რუსული მედია გამოცემების გარდა კვარაცხელია ზედიზედ მეორედ რუსეთის ჩემპიონატის სიმბოლურ გუნდშიც მოხვდა.

ასევე Football Talent Scout-ზე, ამ ვებსაიტის დამაარსებელმა იაცეკ კულიგმა ხვიჩა კვარაცხელიას საოცარი დრიბლინგის ვიდეო გამოაქვეყნა როსტოვთან მატჩში და განცხადებაც გააკეთა.

„19 წლის ხვიჩა კვარაცხელიას საოცარი სოლო-რეიდი.როგორც ძალიან დიდი ხანის წინათ ვთქვი, საქართველოს მოთამაშეების საოცარი თაობა ჰყავს. დიდებული ქვეყანაა სკაუტებისთვის“ , - განაცხადა იაცეკ კულიგიმ.

Football Talent Scout-ს ტვიტერზე 120 ათასზე მეტი მიმდევარი ჰყავს და ბელგიაში ყველაზე ცნობილი საიტია.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა