საქართველოს თავდაცვის მინისტრი თინა ხიდაშელი რეფორმირებული უწყების, შინაგან საქმეთა მინისტრად, გიორგი მღებრიშვილის დანიშვნის გადაწყვეტილებას  სწორს უწოდებს.

როგორც ხიდაშელმა აღნიშნა, მღებრიშვილმა  სასჯელაღსრულებისა და პრობაციის მინისტრად მუშაობის პერიოდში, ყველა დაარწმუნა, რომ მნიშვნელოვანი ცვლილებების სწრაფად და ეფექტურად გატარება შეუძლია.

"გოგას გადაყვანა ძალიან სწორი ნაბიჯი იყო. ბუნებრივია, სამინისტრო, რომელსაც ის ხელმძღვანელობდა, ძალიან მნიშვნელოვანია, მაგრამ იმ მოკლე პერიოდში, რაც მინისტრი იყო, ვფიქრობ, ყველა დაარწმუნა, რომ მნიშვნელოვანი ცვლილებების სწრაფად და ეფექტურად გატარება შეუძლია",-განაცხადა თინა ხიდაშელმა.

რაც შეეხება სასჯელაღსრულებისა და პრობაციის მინისტრად, წლების განმავლობაში უფლებადამცველის,  კახა კახიშვილის, გადაყვანის გადაწყვეტილებას, ხიდაშელის თქმით, ეს ფაქტი  ადასტურებს, რომ საქართველო ადამიანის უფლებებზე ორიენტირებულ სახელმწიფოდ ყალიბდება.

"კახიზე რა გითხრათ, მიკერძოებული ვიქნები,  რა თქმა უნდა, ჩემი ძველი კოლეგაა არასამთავრობო სექტორიდან და ასეთი ადამიანების ასეთ მნიშვნელოვან უწყებებში ხელმძღვანელებად მოსვლა, მხოლოდ იმას ადასტურებს, რომ ჩვენი ქვეყანა რეალურად ადამიანის უფლებებზე ორიენტირებულ სახელმწიფოდ ყალიბდება",-აღნიშნა  თინა ხიდაშლმა "რუსთავი2"-თან საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია