ბათუმის 79-ე ოლქში, სადაც 58-ე უბნის შედეგების ხელახალი გადათვლა მიმდინარეობს, ხმაური იყო.

"ნაციონალური მოძრაობისა" და „სამართლიანი არჩევნების“ მოთხოვნით, გადათვლის შედეგად დისბალანსი უნდა დაზუსტდეს, რომელიც ამ უბნის შემაჯამებელ ოქმებში დაფიქსირდა.

უბნის თავმჯდომარის, რუსუდან რამიშვილის განცხადებით, გადათვლის პროცესში, "ნაციონალური მოძრაობის" წევრები ხმების დათვლაში ხელს უშლიდნენ, რის შედეგადაც დოკუმენტში ცდომილებაა.

მისი მტკიცებით, პარტიის დამკვირვებლები ავიწროებდნენ და სიტუაციას ხელოვნურად ძაბავდნენ.

ამ განცხადებას ხმაური მოყვა „ნაციონალური მოძრაობის“ წარმომადგენლების მხრიდან, ისინი ამტკიცებენ, რომ უბანზე ხმები გაყალბებულია და უბნის თავმჯდომარის ბრალდებები სასაცილო.

"სირცხვილია, რობოტებივით იქცევით", - განაცხადა კახა ჯაიანმა, რომელიც უბნის თავმჯდომარემ დაადანაშაულა ხელის შეშლასა და მუქარაში.

მცირე არეულობის შემდეგ, უბნის გადათვლის პროცესი გაგრძელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს