„ეროვნული სამხედრო მრეწველობის განვითარება კვლავ რჩება ჩვენს ერთ-ერთ მთავარ პრიორიტეტად“, - ამის შესახებ საქართველოს თავდაცვის მინისტრმა 2020 წლის ანგარიშის წარდგენისას განაცხადა.

ირაკლი ღარიბაშვილის თქმით, ეროვნული სამხედრო მრეწველობის განვითარება ქვეყნის სამხედრო საექსპორტო პოტენციალს საგრძნობად გაზრდის.

„ამ მიმართულებით, მომდევნო წელს ქმედითი ნაბიჯები გადაიდგმება დაწყებული პროექტების დასასრულებლად და ახალი პროექტების დასაწყებად, რაც გააძლიერებს თავდაცვის ძალებს და გაზრდის ქვეყნის სამხედრო საექსპორტო პოტენციალს.

გეტყვით, რომ მეტი ცოდნისა და გამოცდილების მისაღებად დაწყებული გვაქვს წინასწარი საუბარი, მოლაპარაკებები ერთობლივი საწარმოების შესაქმნელად.

კერძოდ ჩვენს პარტნიორ ქვეყნებთან, პოლონეთთან,  ჩეხეთთან და ისრაელთან“, - განაცხადა ირაკლი ღარიბაშვილმა.

მან ანგარიშის წარდგენისას აღნიშნა, რომ თავდაცვის ძალების ისტორიაში პირველად მოხდა, როდესაც ქართული ქვედანაყოფები საქართველოში წარმოებული ჯავშანმანქანებით აღიჭურვა - „დელტას“ მიერ წარმოებული 40 ერთეული მოდერნიზებული სამხედრო მანქანა „დიდგორი მეომარი“ და სამედიცინო საევაკუაციო ჯავშანმანქანა „დიდგორი მედევაკი“ სამხედრო ქვედანაყოფებში გადანაწილდა.

„მიმდინარეობს „დელტას“ მიერ წარმოებული პროდუქციის ექსპორტი, რაც კიდევ ერთხელ ადასტურებს ქართული სამხედრო მრეწველობის მაღალ ხარისხს და კონკურენტუნარიანობას მსოფლიო ბაზარზე“, - განაცხადა თავდაცვის მინისტრმა.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო