თავდაცვის მინისტრის თინა ხიდაშელი უარყოფს გავრცელებულ ინფორმაციას, რომ ავღანეთში ქართველი ჯარისკაცი  ბაზაზე თავდასხმის დროს დაიღუპა.

როგორც ხიდაშელმა ჟურნალისტებს განუცხადა, ეს ამბავი ჩვეულებრივი პატრულირების დროს მოხდა.

„სამწუხაროდ გუშინ ავღანეთში ერთი ჯარსკაცი დავკარგეთ. მინდა, მივუსამძიმრო მის ოჯახს. ჩვენ მთელი ღამე იქ ვიყავით. გულწრფელად გეუბნებით, იშვიათად მინახავს ახალგაზრდა დედა, რომელსაც აცნობეს შვილის დაღუპვის შესახებ და ასე გმირულად შეხვდა ამ ამბავს.

ასევე დაჭრილია ერთი ჯარისკაცი, თუმცა მას ღამე ოპერაცია გაუკეთდა და აბსოლუტურად არავითარი საფრთხე არ ემუქრება. მას გერმანიაში გადაიყვანენ და შემდეგ სამშობლოში დაბრუნდება. ჩვენი დანარჩენი ჯარისკაცები მშვიდად არიან. მე ვიცი, რომ ამ ამბის შესახებ ოჯახის წევრებისთვის ცნობილია და მე მინდა მათ მივმართო, იქ აბსოლუტურად არაფერი ხდება. გავრცელდა ინფორმაცია, რომ თითქოს თავდასხმა მოხდა ბაზაზე. ეს ასე არ იყო, ეს ამბავი ჩვეულებრივი პატრულირების დროს მოხდა“, - აღნიშნა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია