საფრანგეთში მიგრანტებსა და სამართალდამცველებს შორის შეტაკებები მოხდა, - ამის შესახებ ინფორმაციას France 24 ავრცელებს.

როგორც სააგენტო იტყობინება, გუშინ ფრანგმა სამართალდამცველებმა საფრანგეთის ჩრდილოეთში მდებარე ქალაქ კალესთან, მიგრანტთა ბანაკის ნაწილის დემონტაჟი გადაწყვიტეს. აღნიშნულმა ფაქტმა მიგრანტების უკმაყოფილება გამოიწვია.

სააგენტოს ცნობით, არეულობაში 200-მდე მიგრანტი მონაწილეობდა. მიგრანტებმა, სამართალდამცველებს ქვები დაუშინეს და რამდენიმე კარავი დაწვეს. საფრანგეთის პოლიციამ სიტუაციის დასარეგულირებლად ცრემლსადენი გაზი გამოიყენა.

როგორც France24 საფრანგეთის მთავრობაზე დაყრდნობით იტყობინება, ბანაკში 1 000-მდე მიგრანტი ცხოვრობდა. აღსანიშნავია, რომ არაოფიციალური ინფორმაციით, მათი რაოდენობა 3 400-ს აღწევდა.

მიგრანტებს საფრანგეთის სხვა რეგიონებში გადაიყვანენ, მაგრამ კალეს დატოვება უმრავლესობას არ სურს, რადგან დიდ ბრიტანეთში აპირებს გადასვლას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა