თბილისის მერიასთან გამართულ საპროტესტო აქციაზე ცესკო-ს ყოფილი თავმჯდომარე ზურაბ ხარატიშვილი დააკავეს.

მერიასთან საზოგადოებრივი მოძრაობა "თბილისის ალტერნატიული მერია" დავით ნარმანიას გადადგომის მოთხოვნით, აქციას მართავდა. 

აქციის მონაწილეებმა თბილისის მერიის მიმდებარე ტერიტორიაზე პლაკატები გააკრეს, რომლებზეც ნარმანიას ფოტოა გამოსახული და მისი გადადგომის მოთხოვნაა დაფიქსირებული.

პოლიციის თანამშრომლებმა პლაკატების გაკვრის დროს ზურაბ ხარატიშვილი დააკავეს.

როგროც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, ხარატიშვილი ადმინისტრაციულ სამართალდარღვევათა კოდექსის 150-ე მუხლით დააკავეს, რაც თვითმმართველი ერთეულის იერსახის დამახინჯებას გულისხმობს.

მერიასთან საპროტესტო აქცია ამ დროისთვის დასრულებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა