ადამიანის უფლებათა დაცვის კომიტეტის მიდგომა ეროვნული ბანკის 2014 წლის ანგარიშის მიმართ ძალიან კრიტიკულია,-ამის შესახებ ადამიანის უფლებათა დაცვის კომიტეტის თავმჯდომარე ეკა ბესელიამ ჟურნალისტებს ეროვნული ბანკის 2014 წლის ანგარიშის მოსმენის დაწყებამდე განუცხადა.

ბესელიას თქმით, ადამიანის უფლებათა დაცვის კომიტეტს აინტერესებს, თუ რამდენად დროული და ქმედითი იყო ეროვნული ბანკის მიერ გატარებული ღონისძიებები ლარის კურსის გაუფასურების პერიოდში.

"ჩვენი მიდგომა ეროვნული ბანკის ანგარიშისადმი ძალიან კრიტიკულია. ჩვენ გვაინტერესებს სავალუტო პროცესთან დაკავშირებით, როდესაც ხდებოდა ლარის კურსის გაუფასურება, როდესაც ჩვენი მოქალაქეები, კონკრეტული ადამიანები დაზარალდენენ და მათთვის იყო ეს ყველაზე მძიმე ტვირთი, ამ პროცესში რამდენად დროული, ქმედითი და ეფექტური იყო ის ღონისძიებები, რომელიც ეროვნულმა ბანკმა გაატარა.  კანონმდებლობიდან გამომდინარე, ეროვნული ბანკის მიმართ მოთხოვნა სწორედ ისაა, რომ ჩარევა, ინტერვენცია ყოფილიყო დროული და სწრაფი",-განაცხადა ეკა ბესელიამ.

მისივე თქმით, კარგია, რომ ეროვნული ვალუტის კურსის გამყარება დაიწყო და ეს მოსალოდნელიც იყო.

თუმცა,  იქიდან გამომდინარე, რომ ამ პროცესმა  მოქალაქეებზე  ნეგატიური გავლენა იქონია, ამ კუთხით, ეროვნული ბანკის მიმართ საკმაოდ კრიტიკული შენიშვნები არსებობს.

რაც შეეხება ბიუჯეტის შესრულების პარამეტრებს, ეკა ბესელიას განცხადებით, იმ უწყებების შესრულების პარამეტრები, რომლებსაც ადამიანის უფლებათა კომიტეტი მეთვალყურეობას უწევს, გასულ წელთან შედარებით უკეთესია. თუმცა მისივე განმარტებით,  არებობს სხვადასხვა სამსახურები, სადაც გარკვეული შეკითხვები არსებობს, მაგალითად, იურიდიული დახმარების სამსახური და ა.შ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო