„ეს არის ზეწოლა ეროვნულ ბანკზე, რომ დახარჯოს სავალუტო რეზერვი. ეროვნული ბანკის მიმართ არნახული მასშტაბის ცილისმწამებლური კამპანია ხორციელდება“,-ამის შესახებ ეროვნული ბანკის პრეზიდენტმა გიორგი ქადაგიძემ მთავრობის წევრების მხრიდან ლარის გაუფასურებაზე ეროვნული ბანკისთვის პასუხისმგებლობის დაკისრებაზე  და საგამოძიებო კომისიის შექმნის ინიციატივის კომენტირებისას განაცხადა.

ქადაგიძის თქმით, ეროვნული ბანკი სავალუტო რეზერვების დახარჯვას არ აპირებს.

„ეს არის ზეწეოლა ეროვნულ ბანკზე, რომ დახარჯოს სავალუტო რეზერვი. ჩვენ არ ვაპირებთ სავალუტო რეზერვების განიავებას და გაფლანგვას, ეს არასწორი გადაწყვეტილებაა. ის, რომ ეს გადაწყვეტილება არასწორი და ხშირად დამღუპველია მსოფლიო ეკონომიკის ისტორიაში არაერთხელ დადასტურებულა. სავალუტო რეზერვი არ არის ჩემი და ეროვნული ბანკის საკუთრება. ჩვენი ქვეყნის სავალუტო რეზერვი ეს არის ჩვენი თითოეული მოქალაქის,  ჩვენი შვილების  მატერიალური დოვლათი. ეს არის გარანტი იმისა, რომ  ჩვენი ქვეყნის ფინანსური სისტრემის სტაბილურ ფუნქციონირებას არაფერი ემუქრება. ეს არის იმის გარანტი,  რომ 90-იანი წლები არ განმეორდება არასდროს. ამიტომ ვერანაირი საგამოძიებო კომისია ვერ გვაიძულებს მივიღოთ ისეთი გადაწყვეტილებები, რომლებიც კითხვის ნიშნის ქვეშ დააყენებს ქვეყნის ფინანსურ სტაბილურობას“,-განაცხადა ქადაიგძემ.

ქადაგიძემ დასძინა, რომ  ყველაფერი კეთდება მაქსიმალურად  იმისთვის, რათა შერბილდეს მოსახლეობისათვის ეს ტვირთი  და  ნაკლებად იყოს მტკივნეული იმ ადამიანებისთვის ვისაც სესხი უცხოურ ვალუტაში აქვს.

ამასთან, ქადაგიძის განცხადებით,  ის  ყველა სხვა დეტალზე პარლამენტში ეროვნული ბანკის წლიური ანგარიშის წარდგენისას  ისაუბრებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი