„თუ კი მსგავსი კამპანიები იქნება ქართული ჯარის წინააღმეგ, ყველას საკადრის პასუხს გავცემ“, – ასე გამოეხმაურა თავდაცვის მინისტრი თინა ხიდაშელი საკომიტეტო მოსმენაზე რამდენიმე დღის წინ გავრცელებულ ინფორმაციას, რომლის თანახმადაც ქართველ სამხედროებს აფრიკაში ბავშვებზე სექსუალურ ძალადობაში ადანაშაულებდნენ.

ხიდაშელმა აღნიშნულ ინფორმაციას ქართული ჯარის წინააღმდეგ მიმართული ბინძური კამპანია უწოდა.

„დღემდე ამ ინფორმაციის გავრცელების გამო  არც სინანული, ბოდიში და უარყოფა არ მოგვისმენია. მე, როგორც საქართველოს თავდაცვის მინისტრი ყველას ვაძლევ პირობას,  მინდა ყველამ ძალიან კარგად გაიგოს, სრული კატეგორიულობით, არ აქვს არავითარი მნიშვნელობა, ეს იქნებიან ჟურნალისტები, ექსპერტები, პოლიტიკოსები, ყოფილი მთავარსარდალი,  თუ კი მსგავსი ბინძური კამპანიები იქნება ქართული ჯარის წინააღმდეგ, ყველას გავცემთ საკადრის პასუხს, თავდაცვის სამინისტროც და მე, პირადად თავდაცვის მინისტრი“, – აღნიშნა ხიდაშელმა.

მისივე თქმით, „ქართული ოცნებისთვის“, მთავრობისა და თავდაცვის მინისტრისთვის პრიორიტეტი ქართული ჯარია.

„ქართული სახელმწიფო დღეს დგას ქართულ ჯარზე, ჩვენი პრესტიჟი გარეთ დგას ქართულ ჯარზე, თუ რამით ვამაყობთ, რამით გვიცნობენ, ვუყვარვათ, გვაფასებენ, ესენი არიან ქართველი ჯარისკაცები, მათი თავდადება ავღანეთში, ცენტრალური აფრიკის რესპუბლიკაში.  ეს არის ამბავი,როცა ყველა თითოეული ჩვენგანი უნდა ვუბრთხილდებოდეთ და განსაკუთრებით ტყუილებს არ უნდა ვიგონებდეთ რა თქმა უნდა.  ჩემთვის, როგორც თავდაცვის მინისტრის, მთავრობის და „ქართული ოცნებისთვის“ პრიორიტეტი არის ქართული ჯარი, თითოეული მათგანი, მათი უფლებები, ინტერესები, ღირსეული პირობების შექმნა მათი მსახურებისთვის, იმისათვის, რომ სხვა საფიქრალი არ ჰქონდეთ, გარდა იმ ვალისა, რომელსაც ქვეყნის წინაშე ძალიან ღირსეულად იხდიან“, – განაცხადა თინა ხიდაშელმა.

ცნობისთვის, 30 აპრილს გავრცელდა ინფორმაცია, რომლის თანახმადაც  ცენტრალურ აფრიკაში სამშივდობო მისიებში მონაწილე ფრანგ და ქართველ სამხედროებს ბავშვებზე სექსუალურ ძალადობაში იღემდნენ მონაწილეობას.
საუბარი იყო 2013 წლის დეკემბრიდან 2014 ივნისამდე პერიოდზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო