„ჩემთვის გაუგებარია, რატომ მიდიან მინისტრები, თუ ისინი კარგად მუშაობენ“,-ამის შესახებ საქართველოს პრეზიდენტმა გიორგი მარგველაშვილმა გადაცემა „რეაქციაში“  განაცხადა. 

მისივე თქმით, ის ინფორმირებული იყო, რომ მინისტრები, რომლებმაც თანამდებობა დატოვეს, კარგად და ეფექტურად მუშაობდნენ.

„ჩვენ ვნახეთ, რომ საქართველოს მთავრობიდან მყისიერად წავიდა რამდენიმე მინისტრი. მათ წასვლას არაფერი არ მოასწავებდა. ვიცოდით და ინფორმირებული ვიყავით, რომ ისინი კარგად და ეფექტურად მუშაობდნენ, მათ შორის თავდაცვის მინისტრთან დაკავშირებითაც. მე, სხვათა შორის, პარლამენტში ჩემი სიტყვის დიდი ნაწილი დავუთმე იმ რეფორმებს და პროცესებს, რომელსაც ადგილი ჰქონდა თავდაცვის სამინისტროში და იმ უმნიშვნელოვანეს პროცესს, რომელიც მიმდინარეობს ქართულ არმიაში, მაგრამ რომ დავაკვირდეთ ქრონოლოგიას – ვხედავთ, რომ მიდის ერთი მინისტრი, შემდეგ ვხედავთ რომ მიდის მეორე მინისტრი. ამ პერიოდში ვისმენთ საპარლამენტო უმრავლესობის წევრის განცხადებას, რომ საქართველოს მთავრობაში აღარ შეიცვლებიან მინისტრები და აღარ იქნება მინისტრთა კაბინეტი თავიდან დასამტკიცებელი, ვისმენთ ბატონ ლევან ყიფიანის განცხადებას, რომ არ აპირებს თანამდებობიდან წასვლას და მეორე დღეს ვისმენთ, რომ ის მიდის. ვისმენთ განცხადებას იმის თაობაზე, რომ შეიცვლება მხოლოდ ორი მინისტრი და მეორე დილას ვისმენთ განცხადებას, რომ იცვლება სამი და მათ შორის თავდაცვის მინისტრი. ამ პროცესებს ნაკლებად თუ აქვს ახსნა ჩვენი საზოგადოებისთვის“,-განაცხადა გიორგი მარგველაშვილმა. 

პრეზიდენტმა დასძინა, რომ მისთვის კონსტიტუციით მინიჭებული უფლებამოსილება გამოიყენა  და აღნიშნული მოვლენებიდან გამომდინარე, გადადო პარლამენტისთვის მთავრობის შემადგენლობის წარდგენა ერთი კვირით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო