„რიგის სამიტზე დასასწრებად  პრემიერ-მინისტრი გაემგზავრება“,- ამის შესახებ პრეზიდენტის მრჩეველმა საგარეო ურთიერთობათა საკითხებში  თენგიზ ფხალაძემ ჟურნალისტებს განუცხადა.

ფხალაძის განმარტებით, პრეზიდენტი მიიჩევს,  რომ ქვეყნისთვის უმჯობესი იქნება რიგის სამიტზე მთავრობა იყოს წარმოდგენილი.

ამასთან, ფახლაძის თქმით, პრეზიდენტის   რესურსი მაქსიმალურად იქნება გამოყენებული იმისათვის, რომ რიგის სამიტზე მოხდეს არა მხოლოდ საქართველოს მიერ მიღწეული პროგრესის ღირსეულად შეფასება,  არამედ რიგის სამიტმა  საქართველოს შემდგომ ევროპულ ინტეგრაციას მნიშვნელოვანი ბიძგი მისცეს.

„რიგის სამიტთან დაკავშირებით ძალიან ინტენსიური ჩართულობა არის  ხელისუფლების ყველა შტოსი და ამბოსულუტურად  ყველა შტო აქტიურად მუშაობს და პრეზიდენტი თვითონ ძალიან აქტიურად არის ჩართული ამ პროცესებში.  სხვათაშორის, რიგაში რამდენიმე დღის წინ ვიზიტი სწორედ ამას ემსახურებოდა. დაგეგმილია კიდევ რამდენიმე საგარეო პოლიტიკური აქტივობა. პრეზიდენტის რესურსი მაქსიმალურად იქნება გამოყენებული იმისათვის, რომ რიგის სამიტზე მოხდეს არამხოლოდ საქართველოს მიერ მიღწეული პროგრესის ღირსეულად შეფასება, არამედ რიგის სამიტმა მისცეს მნიშვნელოვანი ბიძგი საქართველოს შემდგომ ევროპულ ინტეგრაციას. მაგრამ რაც შეეხება კონკრეტულად დასწრებას, პრეზიდენტი მიიჩნევს, რომ ამ შემთხვევაში მნიშვნელოვანია, უფრო აჯობებს ქვეყნისათვის, რომ იქ წარმოდგენილი იყოს მთავრობა, შესაბამისად, რიგის სამიტზე გაემგზავრება პრემიერ-მინისტრი“,-განაცხადა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში