საპარლამენტო უმცირესობის წევრის მიხეილ მაჭავარიანის შეფასებით პრეზიდენტი გიორგი მარგველაშვილი ზრდასრული ადამიანია და გადავა თუ არა ათონელის რეზიდენციაში, რეკომენდაციები არ სჭირდება.

„პრეზიდენტი ზრდასრული ბიჭია და ჩემი რეკომენდაციები არ სჭირდება. ეს არის შიდა გუნდური „ბრაზიანობა“ და თავად მიიღებენ გადაწყვეტილებას“, - განაცხადა მაჭავარიანი. ამასთან, დეპუტატი მარგველაშვილის ავლაბრის რეზიდენციაში გადასვლას მიესალმება. „მე მივესალმები იმ ნაბიჯს, როცა გიორგი მარგველაშვილი ავლაბრის საპრეზიდენტო რეზიდენციაში გადავიდა. გადაწყვიტა თუ ვინმემ ურჩია, ჭკვიანური გადაწყვეტილება იყო“, - აღნიშნა მაჭავარიანმა.

ცნობისთვის, ათონელის რეზიდენცია საპრივატიზაციო ობიექტების ნუსხაში შედიოდა. თუმცა, როგორც დღეს ეკონომიკისა და მდგრადი განვითრების მინისტრმა გიორგი კვირიკაშვილმა განაცხადა, ათონელის რეზიდენციიის პრივატიზებით ბიზნეს წარმომადგენლები ნაკლებად ინტერესდებიან, რადგან მისივე შეფასებით, ამ შენობის ფუნქციონალური მოწყობა უმაღლესი თანამდებობის პირებისთვის არის განსაზღვრული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში