ბიზნეს ასოციაციის აღმასრულებელი დირექტორის ირაკლი ასლანიშვილის განცხადებით, მათთვის კონსტიტუციაში ყველაზე საინტერესო რეფერენდუმის საკითხია.

კერძოდ, ასლანიშვილის განმარტებით, ბიზნესსექტორის პრინციპული პოზიციაა, კონსტიტუციაში დარჩეს მუხლი, რომლის მიხედვითაც, გადასახადების გაზრდა, ან ახალი გადასახადების შემოღება, რეფერენდუმის გარეშე არ უნდა მოხდეს.

მისივე თქმით, კონსტიტუციაში აღნიშნული მუხლის არსებობა პირდაპირ მოქმედებს უცხოურ  ინვესტიციებზე  და ეკონომიკურ ზრდაზე.

„ჩვენთვის მნიშნელოვანია 94-ე მუხლის არსებობა კონსტიტუციაში, რომელიც თავისუფლების აქტთან არის დაკავშირებული. ამ საკითხთან მიმართებაში ჩვენი პოზიცია  პრინციპულია და ვთვლით, რომ აღნიშნული მუხლი უნდა დარჩეს კონსტიტუციაში იგივე ფორმულირებით, რომ გადასახადების გაზრდა, ან ახალი გადასახადების შემოღება, არ უნდა მოხდეს რეფერენდუმის გარეშე. ამ მუხლის დარჩენა მნიშვნელოვანია არამარტო ჩვენთვის, არამედ ქვეყნისთვის.  კონსტიტუციაში ამ მუხლის არსებობა პირდაპირ მოქმედებს უცხოურ ინვესტიციებზე, ადგილობრივი ინვესტორების გადაწყვეტილებებზე, ინვესტიციებთან მიმართებაში ჰქმნის სტაბილურობის აღქმას კერძო სექტორში, რაც მნიშნელოვანია ეკონომიკური ზრდისთვის“,-განაცხადა ასლანიშვილმა და დასძინა, რომ ეკონომიკის სამინისტროს პოზიცია მათ პოზიციასთან თანხვედრაშია.

ასლანიშვილის განმარტებით, ქვეყანაში ბევრი პოზიტიური ცვლილება ხდება, რასაც კერძო სექტორი აფასებს. მისივე თქმით, ამის ერთ-ერთი განმაპირობებელი სწორედ თავისუფლების აქტის არსებობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს