თბილისის საკრებულოს 15 დეპუტატი "რუსთავი 2"-ის საქმის განმხილველი მოსამართლე ნატა ნაზღაიძის ოჯახისთვის გადაცემული 1 მილიონი ლარის დადგენილების გაბათილებას ითხოვს.

აღსანიშნავია, რომ ამ მოთხოვნის დაკმაყოფილების შემთხვევაში, ნაზღაიძის ოჯახს თანხის უკან დაბრუნება მოუწევს.

ოპოზიციის წარმომადგენლების განცხადებით, თბილისის მერიამ საკრებულო შეცდომაში შეიყვანა, რათა თაღლითური გეგმით, ნატა ნაზღაიძის ოჯახს დაუმსახურებელი თანხა "რუსთავი 2"-ის საწინააღმდეგო გადაწყვეტილების სანაცვლოდ მიეღო.

„ეს მოხდა, რა თქმა უნდა, შეგნებულად და მოხდა იმისთვის, რომ ამ ადამიანის ოჯახის წევრმა მიიღო სინდისის, სამართლიანობის და პროფესიონალიზმის საწინააღმდეგო გადაწყვეტილება "რუსთავი 2"-თან დაკავშირებით“, - განაცხადა საკრებულოს დამოუკიდებელმა დეპუტატმა, ალეკო ელისაშვილმა.

მისი აზრით, მოსამართლის ოჯახს "ძალიან ბინძური საჩუქარი" გაუკეთეს.

როგორც საკრებულოს ფრაქცია "რესპუბლიკელების" თავმჯდომარე, ხათუნა სამნიძე აცხადებს, ოპოზიციური ძალები ერთად დგანან, როდესაც ხელისუფლება მედიისა და თავისუფალი სიტყვის წინააღმდეგ იბრძვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტომ კრუზი დაბრუნდება „ტოპ გან 3“-ში

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ