პრემიერის ხელმძღვანელობით, ევროინტეგრაციის სახელმწიფო კომისიის სხდომა გაიმართა

2015-03-18 13:44:11, 341 ნახვა

პოლიტიკა

პრემიერ-მინისტრ ირაკლი ღარიბაშვილის ხელმძღვანელობით ევროინტეგრაციის სახელმწიფო კომისიის ორმოცდამეთორმეტე სხდომა გაიმართა.
მთავრობის ადმინისტრაციის პრესსამსახურის ინფორმაციით, სხდომაზე ევროინტეგრაციის მიმართულებით 2014 წელს განხორციელებული საქმიანობის ანგარიში მოისმინეს.
კომისიის წევრებმა დღის წესრიგით გათვალისწინებული საკითხები განიხილეს. საუბარი შეეხო ევროკავშირთან სავიზო რეჟიმის ლიბერალიზაციის სამოქმედო გეგმის მეორე ფაზის იმპლემენტაციის მდგომარეობას და განსახორციელებელ ღონისძიებებს.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ პრემიერ–მინისტრს მიაწოდა ინფორმაცია საქართველოსა და ევროკავშირს შორის ასოცირების შესახებ შეთანხმებისა და ასოცირების დღის წესრიგის ეროვნული სამოქმედო გეგმის 2015 წლის პირველი ორი თვის განხორციელების თაობაზე. სხდომაზე ასევე განიხილეს ევროინტეგრაციის საკითხთა კომუნიკაციისა და ინფორმაციის შესახებ საქართველოს მთავრობის 2014-2017 წლების სტრატეგიის საკითხები.
ევროინტეგრაციის სახელმწიფო კომისიის სხდომაზე ყურადღება გამახვილდა რიგის სამიტისთვის მზადების პროცესზე.