„შეცდომა მეც მომდის, მინისტრებსაც, მერებსაც,  გამგებლებსაც, გუბერნატორებსაც, მაგრამ ამის არ უნდა შეგვეშინდეს“,-ამის შესახებ საქართველოს პრემიერ-მინისტრმა ირაკლი ღარიბაშვილმა გუბერნატორებთან, ქალაქების მერებსა და მუნიციპალიტეტების გამგებლებთან შეხვედრაზე განაცხადა.

თუმცა, პრემიერის შეფასებით, მთავარია,  მათი საქმიანობა ანტიკორუფციული და სიმართლეზე დაფუძნებული იყოს.

„ჩვენ ყურადღება უნდა გავამახვილოთ პასუხისმგებლობის საკითხზე. ყველასთვის არსებობს ერთი კანონი, მაგრამ რა თქმა უნდა არ უნდა გავურბოდეთ პასუხისმგებლობას.  დარწმუნებულები უნდა ვიყოთ, რომ რასაც ვაკეთებთ, ვაკეთებთ სწორად. რა თქმა უნდა შეცდომები იქნება და ამისგან დაზღვეული არავინ არ არის. პირადად ჩემგან დავიწყებ, რომ შეცდომა ყველას მოგვდის, მეც მომდის შეცდომა,   მინისტრებსაც, რა თქმა უნდა შეცდომა მოგივათ მერებსაც, გამგებლებსაც, გუბერნატორებსაც, მაგრამ ჩვენ შეცდომების არ უნდა შეგვეშინდეს, მთავარია ჩვენ უნდა ვიყოთ დარწმუნებულები, რომ  საქმეს რასაც ვაკეთებთ არის მართალი“,-აღნიშნა ღარიბაშვილმა.

ცნობისთვის, პრემიერ–მინისტრი ირაკლი ღარიბაშვილი ამწუთებში სასტუმრო "ქორთიარდ მარიოტში" გუბერნატორებს, ქალაქების მერებსა და მუნიციპალიტეტების გამგებლებს ხვდება. შეხვედრაში ეკონომიკური გუნდის მინისტრები მონაწილეობენ. ამასთან, შეხვედრას ესწრებიან განათლების, ჯანდაცვის, იუსტიციისა და სოფლის მეურნეობის მინისტრებიც. შეხვედრაზე, რომელიც დახურულ კარს მიღმა მიმდინარეობს, სხვადასხვა მუნიციპალიტეტებში პროექტებისა და პროგრამების მიმდინარეობასთან დაკავშრებულ საკითხებზე იქნება საუბარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია