2015-03-07 15:04:44, 349 ნახვა
პოლიტიკა
საქართველოს ეუთო-ს გენერალური მდივანი ლამბერტო ზანიერი ეწვევა
საქართველოს 8-11 მარტს, ოფიციალური ვიზიტით, ეუთო-ს გენერალური მდივანი ლამბერტო ზანიერი ეწვევა.
როგორც „ექსპრესნიუსს“ საგარეო უწყებიდან აცნობეს, ვიზიტის ფარგლებში ზანიერი შეხვედრებს გამართავს საქართველოს პრეზიდენტთან, პრემიერ-მინისტრთან,საგარეო საქმეთა მინისტრთან და საკანონმდებლო ხელისუფლების წარმომადგენლებთან.
შეხვედრებზე საუბარი შეეხება საქართველო-ეუთო-ს თანამშრომლობის საკითხებს, ყურადღება გამახვილდება საქართველოს ოკუპირებულრეგიონებში შექმნილ ვითარებაზე.
ვიზიტის ფარგლებში ლამბერტო ზანიერი საოკუპაციო ხაზს ეწვევა, ასევე მოინახულებს დევნილთა დასახლებას და ადგილზე გაეცნობა იქ არსებულ ვითარებას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
