თურქეთის საზოგადოებრივ მაუწყებელს ცეცხლი გაუხსნეს, - ამის შესახებ ადგილობრივი მედია თვითმხილველებზე დაყრდნობით წერს. 

როგორც მედია საშუალება იტყობინება, ტელეკომპანია TRT-ს ცეცხლი ვერტმფრენიდან ოთხჯერ გაუხსნეს. აღსანიშნვია, რომ ეს ინფორმაცია ოფიციალურად არ დასტურდება

ცნობისთვის, სტამბოლის თავზე სამხედრო ვერტმფრენები ამ დრომდე პატრულირებენ.

მედიის ცნობით, თურქეთის პრეზიდენტის რეჯეპ ტაიპ ერდოღანის მიმართვის შემდეგ ხალხი ქუჩაში გამოვიდა. მათ აღარაფრის ეშინიათ და პოლიციას შეუერთდნენ. ერდოღანს უცხადებენ მხარდაჭერას.

შეგახსენებთ, რომ თურქეთში სამხედრო გადატრიალების მცდელობა მოხდა. პრეზიდენტი ამ დროისთვის უსაფრთხო ადგილასაა გადაყვანილი. დაკეტილია ყველა აეროპორტი.

მედიის ინფორმაციით, ქვეყნის ორ დიდ ქალაქში პანიკაა, გადაკეტილია ასევე ქვეყნის ორი მთავარი ხიდი. 

ქუჩებში სამხედრო ტექნიკასთან ერთად ასობით ჯარისკაცი იმყოფება. გარდა ამისა, დედაქალაქის თავზე გამანადგურებლები და ვერტმფრენები ტრიალებენ. 

დაუდასტურებელი ინფორმაციით, ქვეყანაში გაითიშა ინტერნეტი და რეზიდენტის რეზიდენციაა ბლოკირებული.  ინფორმაცია გარდაცვლილთა ან დაშავებულთა შესახებ ჯერ არ ვრცელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი