ჩვენი ხელისუფლების პირობებში 7 ნოემბრები და 26 მაისები არ იქნება, - ამის შესახებ იუსტიციის მინისტრმა თეა წულუკიანმა, სოციალურ ქსელში ვლადიმერ ბედუკაძის მოწოდებასთან დაკავშირებით განაცხადა, რომელიც 21 მარტს „ნაციონალური მოძრაობის“ მიერ დაგეგმილ აქციაზე მისვლას ეხება.

წულუკიანის განმარტებით, ყველა მოქალაქეს აქვს სიტყვის გამოხატვის თავისუფლება და მას პატივი ყველამ პატივი უნდა სცეს.

„მე ეს არ მინახავს. ფეისბუკზე ყოფნის ბევრი დრო არ მაქვს ხოლმე, მაგრამ, თუ ეს ასეა, გამოხატვის და შეკრების თავისუფლება უზრუნველყოფილია, კანონის წინაშე ყველა თანაბარია და ყველა პარტიას აქვს უფლება, გამოხატოს თავისი პოზიცია, მათ შორის ქუჩაშიც. ჩვენი ხელისუფლების პირობებში არ იქნება 7 ნოემბრები და 26 მაისები და აქედან გამომდინარე, ყველა მოქალაქემ გამოხატვის თავისუფლებას უნდა სცეს პატივი. დღეს ჩვენ ვცხოვრობთ ძლიერ სახელმწიფოში, რომელიც ადამიანის უფლებებს იცავს, მათ შორის ქუჩაში. შინაგან საქმეთა სამინისტრო, როგორც ყოველთვის, მიიღებს ზომებს იმისათვის, რომ როგორც აქციები, ისე კონტრაქციები მშვიდობიან პირობებში ჩატარდეს“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა