როგორ უნდა მოხდეს ალიანსის პოლიტიკის ადაპტირება რუსეთის მზარდ აგრესიასთან და როგორ დაეხმარნონ მის აღმოსავლეთ მეზობლებს - ამის შესახებ ნატოს წევრი 28 ქვეყანა ორი დღის განმავლობაში იმსჯელებს.

როგორც „დოიჩე ველე“ იუწყება,ნატოს გენერალურმა მდივანმა იენს სტოლტენბერგმა განაცხადა, რომ რუსეთთან მათი ურთიერთქმედების საფუძველი თავდაცვა და დიალოგია

„ჩვენი პოლიტიკა ნათელია. რუსეთთან ჩვენი ურთიერთქმედების საფუძველი ორია - თავდაცვა და დიალოგი“, - აღნიშნა სტოლტენბერგმა. მისივე თქმით, განსაკუთრებით დაძაბულობის პერიოდებში მნიშვნელოვანია დიალოგის შენარჩუნება და გამჭვირვალობისკენ სწრაფვა.

მოსკოვის მხრიდან საფრთხის გამო, ალიანსის წევრი ქვეყნების საგარეო საქმეთა მინისტრები განიხილავენ სამხედრო პოტენციალის ზრდის პერსპექტივებს, რომლის შესახებ, მოსალოდნელია, რომ ნატოს ივლისის ვარშავის სამიტზე გახდება ცნობილი.

სააგენტო „ფრანსპრესის“  ინფორმაციით, საუბარია ოთხ ქვეყანაში სამხედრო ძალის გაძლიერებაზე, რომლებიც რუსეთს ესაზღვრება - პოლონეთში, ლიტვაში, ლატვიასა და ესტონეთში. გეგმის თანახმად, ამ თითოეულ ქვეყანაში განთავსდება ათასკაციანი ბატალიონი. გარდა ამისა, სტოლტენბერგმა განაცხადა, რომ 20 მაისს მინისტრები ისაუბრებენ ნატო-ევროკავშირის ურთიერთობის პრობლემაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა