თეთრი სახლი რუსეთის აგრესიის შესაკავებლად 3,4 მილიარდ დოლარის გამოყოფას გეგმავს, - ამის შესახებ ამერიკული გამოცემა The Hill იუწყება.

როგორც მედია საშუალება წერს, აღნიშნული საკითხი კონგრესის შეიარაღებული ძალების კომიტეტი განიხილავს. კონგრესმა შესაძლოა,  უკრაინისთვის სამხედროების მოსამზადებლად 150 მილიონი დოლარის გამოყოფასაც დაუჭიროს მხარი.

როგორც აშშ-ის კონგრესის შეიარაღებული ძალების კომიტეტის წევრმა ადამ სმიტმა განაცხადა, ვაშინგტონის მთავარ მიზანს აღმოსავლეთ ევროპაში წარმომადგენლობის არსებობა და მოკავშირეების მხარდაჭერა წარმოადგენს.

აქამდე გავრცელებული ინფორმაციით, 2017 წლის ბიუჯეტის პროექტის თანახმად, რუსეთის აგრესიასთან საბრძოლველად გათვალისწინებული თანხის უმეტესი ნაწილი აღმოსავლეთ ევროპის თავდაცვისუნარიანობის გაძლიერებას მოხმარდება. ბიუჯეტში გათვალისწინებულია ასევე საქართველოს, უკრაინისა და მოლდოვის დახმარება.

როგორც ვაშინგტონში მიიჩნევენ, ეს ქვეყნები, მოსკოვის მხრიდან ზეწოლას ყველაზე მეტად განიცდიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა