საქართველოს სოფლის მერნეობის მინისტრი ოთარ დანელია, კატარის სახელმწიფოში ოფიციალური ვიზიტის ფარგლებში, კატარული სახელმწიფო კომპანიის „ასად ფუდი“ აღმასრულებელ დირექტორს, ხალიდ მობარაქ ალ დელაიმს შეხვდა.

სოფლის მეურნეობის სამინისტროს ინფორმაციით, კომპანია „ასად ფუდი“ მსოფლიოს არაერთ ქვეყანაში სოფლის მეურნეობის დარგის მიმართულებით მსხვილ საინვესტიციო პროექტებს ახორციელებს.  

შეხვედრაზე ოთარ დანელიამ საქართველოში არსებულ საინვესტიციო გარემოზე, ამ მიმართულებით სახელმწიფო პოლიტიკასა და ქვეყნის პოტენციალზე ისაუბრა. მინისტრმა განსაკუთრებული ყურადღება აგრარული მიმართულებით საქართველოში ინვესტიციების განხორციელებისა  და ქართული სასოფლო-სამეურნეო პროდუქციის საექსპორტო შესაძლებლობებზე გაამახვილა. მხარეებმა შეხვედრაზე ერთობლივი პროექტების განხორციელებაზე იმსჯელეს.

შეხვედრაზე კატარულმა მხარემ ერთობლივი საწარმოს შექმნის საკითხი დააყენა და ქართული მხარის დაინტერესების შემთხვევაში მზადყოფნა გამოთქვა ინვესტიციები სოფლის მეურნეობის მიმართულებით განახორციელოს.

შეხვედრას საქართველოს სოფლის მეურნეობის პირველი მოადგილე ნოდარ კერესელიძე და საქართველოს სრულუფლებიანი და საგანგებო ელჩი კატარის სახელმწიფოში ეკატერინე მაიერინგ- მიქაძე ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი